گۆڕانكاری لە بەڕێوەبەری بەڕێوەبەرایەتی كشتوكاڵی كەركووك كرا
بەپێی نوسراوێكی پارێزگای کەرکووک لە بەرواری ٢١ی ١٢ كە واژووی ڕێبوار تەها، پارێزگاری كەركووكی لەسەرە، گۆڕانكاری لە بەڕێوەبەری بەڕێوەبەرایەتی كشتوكاڵی كەركووك كرا و لەبری زوهیر عەلی حسێن بەرێوبەری کشتوکاڵی کەرکووک لە پۆستەکەی دوور خرایەوە ، عسام سلێمان ئەدبس بەرێوبەری پێشووی فەرمانگەکە كرایە بەڕێوەبەری بەڕێوەبەرایەتی كشتوكاڵی كەركووك.
بە گوێرەی رێککەوتنی پێکهێنانی حکومەتی خۆجێی کەرکووک بەرێوبەرایەتی کشتوکاڵی کەرکووک بە نەتەوەی عەرەب درا و لە نێو عەرەبیش بە وەسفی عاسی ئەندام پەرلەمانی پێشووی عێڕاق درا و ئەم گۆرانکاریەش دوای ئەوە دێت کە ماوەیەک لە مەوبەر رێبوار تەها پارێزگاری کەرکووک ڕایگەیاند کە چاودێری کاری فەرمانگەکان دەکەن و کەم تەرخەمەکان سزا دەدەن .
