دوێنێ شەو خاوەنی شوێنیکی بازرگانی بەهۆی کەڵەکەبوونی قەرزی کارەبا لەسەری لە گەڕەکی پەنجا عەلی تەقە لە کارمەندێکی کارەبا دەکات و بەوهۆیە بریندار دەبێت و تۆمەتبارەکەش بۆ شوێنێکی نادیار هەڵدێت
لقی دابەشکردنی کارەبای کەرکووک بەهۆی ئەم ڕووداوەوە ڕاگەیەندراوێکی بڵاوکردەوە و لە ڕاگەیەندراوەکدا هاتووە “بەداخ و ناڕەزاییەوە ئیدانەی ئەو تاوانە قێزەونەی کرد کە بەرامبەر پێوەرخوێن “محەمەد سەمیر” لەکاتی ڕاپەڕاندنی ئەرکی فەرمیدا لەناوچەی بەنجاعەلی ئەنجامدرا کە یەکێک لەخاوەن ناوەندە بازرگانییەکانی ناوچەکە ڕاستەوخۆ و ترسنۆکانە تەقەی لێکرد بەهۆی کەڵەکەبوونی قەرزەکانی لەبەرژەوەندی بەڕێوبەرایەتییەکە.
ئەم هێرشە دڕندانە برینداری سەختی لێکەوتەوە و دواتر بۆ نەشتەرگەری گەیەندرایە نەخۆشخانە و ئێستا لەژێر چاودێری پزیشکی پێویستدایە.
ئەندازیار لەیث تەڵعەت بەڕێوەبەری لقی دابەشکردنی کارەبای کەرکوک داوای لە لایەنە پەیوەندیدارەکان کرد ڕێوشوێنی یاسایی پێویست بگرنەبەر دژی ئەنجامدەر و جەختی لەوە کردەوە کە ئەم کارە تاوانکارییە تەنیا هێرشکردنە سەر پێوەرخوێن نییە کە بەپێی یاسا ئەرکی خۆی جێبەجێ دەکات بەڵکو هێرشێکی ڕاستەوخۆیە بۆ سەر پێگەی دەوڵەت و هەوڵی دامەزراوە خزمەتگوزارییەکان کە هەوڵ دەدەن سەرەڕای بارودۆخ سەختی و ئاستەنگەکان باشترین خزمەتگوزاری پێشکەش بە هاوڵاتیان بکەن.